ওমান সাগৰৰ উপকূলত ভাৰতৰ তেলবাহী জাহাজৰ ওপৰত আক্ৰমণ

ওমান উপকূলৰ সমীপত ভাৰতৰ এম টি মাৰিভেক্স নামৰ এখন তেলবাহী জাহাজৰ ওপৰত হৈছে ভয়ংকৰ আক্ৰমণ।ইজৰাইল আৰু ইৰাণৰ মাজত যুদ্ধ চলি থকাৰ মাজতে ভাৰতৰ জাহাজত আক্ৰমণ কৰা কথাটোৱে চিন্তাত পেলাইছে ভাৰত চৰকাৰক। কাৰণ তেলবাহী জাহাজখনত আছিল ২৪ গৰাকী নাবিক।আৰু আক্ৰমণৰ খবৰ শুনাৰ লগে লগে নাবিকসকলৰ পৰিয়ালত সৃষ্টি হৈছে হাহাকাৰ পৰিস্থিতিৰ। ভাৰতীয় জাহাজখনক আক্ৰমণ কৰা হৈছে  ঘাতক ক্ষেপণাস্ত্রৰে।যাৰ ফলত জাহাজখনৰ ইঞ্জিন  ধ্বংস হৈ যায়। এই  আক্ৰমণৰ ফলত  এম টি মাৰিভেক্সত দাওদাওকৈ  
লাগে প্ৰচণ্ড জুঁই।

বিশ্বৰ সংবাদ মাধ্যমৰ খবৰ অনুসৰি আমেৰিকাৰ নৌসেনাৰ ভুলবশতঃ আক্ৰমণৰ বাবেই ভাৰতীয় তেলবাহী জাহাজখনত এই ভয়ংকৰ কাণ্ডটো সংঘটিত হোৱাৰ সম্ভাৱনা আছে। কিন্তু এই ঘটনাক লৈ আমেৰিকাই একো প্ৰতিক্ৰিয়া দিয়া নাই। যাৰ বাবে আমেৰিকাৰ এনে ভূমিকাক লৈ আৰম্ভ হৈছে। ৰাজনৈতিক আৰু কূটনৈতিক বিতৰ্কৰ। ভাৰত চৰকাৰৰ বিভাগীয় মন্ত্ৰালয়ে ইতিমধ্যে সংবাদমেল যোগে আক্ৰমণৰ ঘটনা নিশ্চিত কৰিছে। কালি অৰ্থাৎ সোমবাৰে দুপৰীয়া ১ বজাত  সংঘটিত হয় এই ঘটনাটো।

হৰমুজ প্ৰণালীৰ পৰা কিছু নিলগত সংঘটিত হোৱা ঘটনাটো  কেনেকৈ আৰু কিয়, কোনে সংঘটিত কৰিছে সেই লৈ নিশ্চিত হ'ব পৰা নাই ভাৰত চৰকাৰ। সমগ্র বিষয়টো গুৰুত্ব সহকাৰে লৈ নাবিকসকলক সুৰক্ষিত অৱস্থাত উদ্ধাৰ কৰাৰ বিষয়টোত ভাৰত চৰকাৰে প্ৰাথমিকতা দিছে প্ৰথমে।